Penulis: Abah Yanyan
Saatos sholat ashar berjamaah di masjid abah indit ka warung kopi mang Ujang, warung mang Ujang mah tara sepi pengunjung na, ti jeulama kolot teupikeun barudak ngora reusep ngumpul bari ngopi di warung mang Ujang. Maklum warung mang Ujang mah sanajan kitu oge tos aya wifi, tempat na oge ngenaheun.
Assalamualaikum, saur abah. Wa’alaikumussalam, di jawab ku Ujang. “Damang bah”, Ujang naros ka abah. Allahamdullilah sehat jang, kumaha Jang rame ?”. Alhamdullilah bah, lumayan tah ieu aya boled kulup haneut keneh bah, ayena bade ngopi naon bah, taros Ujang ka abah. “Aya kopi naon deui Jang”, taros abah. ” Aya “Kopi Citra Jaga Rasa” nu diproduksi ku pa Uun, kamari abdi balanja ka gerai oleh oleh kopi Kuningan di Woodland, jawab Ujang. ” “Sok atuh pang ngadamelkeun, gula aren na pisahnya Jang,” saur abah.
Suruput eta kopi ku si abah diuyup jiga na nikmat pisan. Teu lami dongkap kang Danny diuk di gigir abah. Eta kopi naon bah, meuni harum kitu, taros Danny ka abah. Ieu kopi ti Kuningan sok pesen ka Ujang pokona ajib lah, ceuk abah bari seuri. Punten Jang pang ngadamelken, saur Danny ka Ujang.
Bah ngomong ngomong naon rahasia na abah katingali sehat bari jeung seger wae teh, taros Danny ka abah. “Rahasia na nya eta loba bersyukur ka Gusti Allah, sareng kudu loba silaturahmi. Rosul bersabda dina hadisna, lamun teu leupat mah isi na kieu
“Barangsiapa yang ingin diluaskan rezekinya dan dipanjangkan umurnya, maka sambunglah tali silaturahmi,” (HR. Bukhari – Muslim).
Tah eta inti na, jadi jeulma mah kudu loba silaturahmi ka sakabeh jeulma jeung ka tempat-tempat kumpulna jeulma nu sholeh. Ka tatangga kudu wawuh, ka jalma teu boga kudu nulungan, jeung dulur kudu akur, ka masjid kudu daek. Sing saha saha jalma nu ngarana lalaki paksakeun sholat berjamaah di masjid, dimana sholat berjamaah di masjid teh hiji cara beh urang bisa silaturahmi ka sakabeh jeulma.
Ditempat nu dimuliakeun ku gusti Allah nya eta masjid, kabeh jeulma eweuh perbedaan, nu beunghar jeung nu miskin sarua bae, rek pejabat rek rakyat sarua bae. Berjamaah sholat di masjid loba paedah na nya eta urang meunang pahala berjamaah jeung meunang berkahna silaturahmi. Silaturahmi jeung ibadah sholat berjamaah di masjid ulah eleh ku kasibukan, ulah aya paribasa ibadah mah eungke wae lamun geus kolot, nu kieu teh salah da umur mah eweuh nu nyaho bising teu neupi ka kolot ku maha?. Ibadah sholat mah wajib teu kolot teu ngora, geus kolot mah loba nu karasa, deuk ka masjid cangkeng jeung tuur nyeuri, deuk wudhu ngilu da rematik, deuk ka majelis geus ripuh da ceuli geus torek. “Jadi ibadah jeung silaturahmi teh ulah ngadagoan kolot”, ceuk si abah jiga keur tausiah. Danny ungguk unggukan ngadangu abah carita.
Abah nyuruput deui kopi, terus abah ngomong “abah mah sok pusing mikiran lembur urang, persoalan-persoalan teh eweh nu tuntas. Kenalpot bising diantepkeun wae ku kepolisian, isu pokir sapi tileulep eweh jejak na, kudu na mah isu di masyarakat geus sakitu rame na geuwat kepolisian teh bertindak, bahasa keren na mah investigasi ka lapangan datangan kelompok nu meunang bantuan pokir sapi bener teu aya penyunatan atawa pungli”. Korupsi kudu na geus teu meunang aya di Kuningan.
“Abah prihatin oge ku ayana pemberitaan Kuningan kalebeut kabupaten nu miskin, asa teu tarima disebut miskin mah, tingali wae jalan-jalan aralus, imah dipalemburan marewah, jeung eweh nu ngarana jalma nu kalaparan. Kuningan mah rakyat na arulet motekar, jadi abah mah teu percaya lamun Kuningan disebut miskin mah”. Abah mah pesen ka pejabat jeung dewan, pang ngurus keun rakyat, ulah dikorupsi hak rakyat teh, tingkatkeun perekonomian rakyat di sektor pertanian, perdagangan, giat keun sektor pariwisata gampilkeun perijinan na supados tiasa nyerap tenaga kerja”, kitu harepan abah mah.
Berita hanet nu keur dibahas ku kaum intelektual “Festival Waduk Darma di nodai ku ayana sponsor Angur Cap Orang tua”, saleres na mah eta anggur ulah diangge keur sponsor soalna kadar alkohol anggur orang tua dugi ka 14,7 %, jelas eta sanes jamu tapi minuman keras. Perda No. 6 Tahun 2014 Tentang Minuman Keras atos ngatur tentang peredaran minuman beralkohol maksimal kadar alkohol na 5 %. Kumaha sih dinas terkait nu nyelenggarakeun festival teh terang aturan teu, Kuningan Maju tur Agamis teh jiga na jauh ka laksana, ceuk abah. Eta kabeh jeulma nu aya di warung ngadangukeun omongan abah, hampir rata-rata gogodek ngabandungan carita abah.
Abah-abah sakitu kolot masih oge mikiran negara ceuk danny bari nyalaman abah. “Ach Dan abah mah rakyat biasa teu boga ka kuasaan, lamun abah jadi bupati rek dibabat kabeh pejabat nu tebener mah, ngan hanjakal euweh nu milih abah jadi bupati”, ha..ha..ha abah seuri cakakakan teupikeun huntu palsuna ngacleng…!!!
